خاصنــــــــــــــا نخرجو كاملين نهار 20 مارس
بــــــــــــــــــــــــــــــــــــــــــاش:
نساندو الحركة ديال الشباب في المغرب اللي كتقود النضالات ضد الفساد السياسي والاقتصادي ، وضد الاستبداد .
بـــــــــــــــــــــــــــــــــــــــــاش :
يكون عندنا دستور عصري وديمقراطي يكون فيه الشعب بالصح نيت هو مول الكلمة . ويكون فيه كل واحد اللي بغا يحكم كيتحاسب . ونعرفو كل سلطة منين تتبدا وفين تتسالي .دستور ديال المواطنين ماشي ديال الرعايا والعبيد.
بـــــــــــــــــــــــــــــــــــــــاش :
نوفرو بالصح واحد الحوار وطني وحقيقي نتناقشو فيه بالطايطاي والعلالي على كل حاجة موجودة في الدستور بكل حرية بلا ضرب وبلا عصا باش ما تفرضش شي حاجة بزز على الشعب بحال كي ما موالفين ديما .
بــــــــــــــــــــــــــــــــــــــــاش :
ما يبقاش المخزن بالبوليس ديالو يتعدى على الناس المسالمين اللي واقفين ولا غاديين واللي كيحتجو على شي حاجة ولا كيطالبو بشي حاجة وباش ما تبقاش تعاود بحال ديك المجزرة الوحشية اللي دارو للشباب والاحزاب ديال اليسار والصحفيين والناس اللي دايزين من الشارع والدراري الصغار نهار الاحد 13 مارس في الدارالبيضا.
بـــــــــــــــــــــــــــــــــــــاش :
تحرر الاذاعة والتلفزة من بين يدين المخزن اللي كيبقى بوحدو هو اللي كيدوي وكيصفق ويكول للمساكين والناس اللي ما قاريينش : سكتو راه العام زين . ويكول ليهم غير داك الشي اللي كيعجبو هو. ياك كيكولو كاينة حرية الرأي والتعبير . إيوا يخليو الناس اللي ما متافقينش على شي جاجة يكولو حتى هوما نظرهم ويعبرو على رأيهم.
بــــــــــــــــــــــــــــاش :
تلبى المطالب الاجتماعية ديال الشباب والشابات المعطلين والمعطلات باش يخدمو وترجع ليهم الكرامة ديالهم وما يبقاوش مثقلين على والديهم اللي حتى هوما كيتقاتلو مع المعيشة الغالية والما والضو والمدرسة والحوايج والضريبة والمرض وتمارة الكحلا.
بــــــــــــــــــــــــــــــــــــاش :
الدولة الا عندها النية بالصح تنوض وتشوف مع دوك الشفارة الكبار اللي مستافدين من الفساد وقاضيين الغراض وتبزز عليهم برجعو فلوس الشعب اللي ربحوها بالقوالب وبالتخلويض والتقرب من السلطة وتقدمهم للمحاكمة وما يفلتوش من العقاب .هوما ودوك اللي كانو كيعدبو في اولاد الناس في الكوميساريات الباينة والمخفية.
على قبل هاد الشي وغيرو كثير كتوجه ليكم التنسيقية الدعوة باش تحضرو شباب وشابات عيالات ورجالا خدامين وعاطلين ومعطلين موظفين وموظفات ، للمسيرة اللي غادية تكون نهار الاحد 20 مارس مع العشرة ونص ديال الصباح واللي غادية تنطالق من حدا الساحة المقابلة مع صيدلية الشفاء بدوار الجديد.
والا بغاو يمنعونا ويقمعونا ويتهناو منا باش يعيشو غير بوحدهم ، تا حنا ما عندنا ما نخسرو.
بــــــــــــــــــــــــــــــــــــــــــاش:
نساندو الحركة ديال الشباب في المغرب اللي كتقود النضالات ضد الفساد السياسي والاقتصادي ، وضد الاستبداد .
بـــــــــــــــــــــــــــــــــــــــــاش :
يكون عندنا دستور عصري وديمقراطي يكون فيه الشعب بالصح نيت هو مول الكلمة . ويكون فيه كل واحد اللي بغا يحكم كيتحاسب . ونعرفو كل سلطة منين تتبدا وفين تتسالي .دستور ديال المواطنين ماشي ديال الرعايا والعبيد.
بـــــــــــــــــــــــــــــــــــــــاش :
نوفرو بالصح واحد الحوار وطني وحقيقي نتناقشو فيه بالطايطاي والعلالي على كل حاجة موجودة في الدستور بكل حرية بلا ضرب وبلا عصا باش ما تفرضش شي حاجة بزز على الشعب بحال كي ما موالفين ديما .
بــــــــــــــــــــــــــــــــــــــــاش :
ما يبقاش المخزن بالبوليس ديالو يتعدى على الناس المسالمين اللي واقفين ولا غاديين واللي كيحتجو على شي حاجة ولا كيطالبو بشي حاجة وباش ما تبقاش تعاود بحال ديك المجزرة الوحشية اللي دارو للشباب والاحزاب ديال اليسار والصحفيين والناس اللي دايزين من الشارع والدراري الصغار نهار الاحد 13 مارس في الدارالبيضا.
بـــــــــــــــــــــــــــــــــــــاش :
تحرر الاذاعة والتلفزة من بين يدين المخزن اللي كيبقى بوحدو هو اللي كيدوي وكيصفق ويكول للمساكين والناس اللي ما قاريينش : سكتو راه العام زين . ويكول ليهم غير داك الشي اللي كيعجبو هو. ياك كيكولو كاينة حرية الرأي والتعبير . إيوا يخليو الناس اللي ما متافقينش على شي جاجة يكولو حتى هوما نظرهم ويعبرو على رأيهم.
بــــــــــــــــــــــــــــاش :
تلبى المطالب الاجتماعية ديال الشباب والشابات المعطلين والمعطلات باش يخدمو وترجع ليهم الكرامة ديالهم وما يبقاوش مثقلين على والديهم اللي حتى هوما كيتقاتلو مع المعيشة الغالية والما والضو والمدرسة والحوايج والضريبة والمرض وتمارة الكحلا.
بــــــــــــــــــــــــــــــــــــاش :
الدولة الا عندها النية بالصح تنوض وتشوف مع دوك الشفارة الكبار اللي مستافدين من الفساد وقاضيين الغراض وتبزز عليهم برجعو فلوس الشعب اللي ربحوها بالقوالب وبالتخلويض والتقرب من السلطة وتقدمهم للمحاكمة وما يفلتوش من العقاب .هوما ودوك اللي كانو كيعدبو في اولاد الناس في الكوميساريات الباينة والمخفية.
على قبل هاد الشي وغيرو كثير كتوجه ليكم التنسيقية الدعوة باش تحضرو شباب وشابات عيالات ورجالا خدامين وعاطلين ومعطلين موظفين وموظفات ، للمسيرة اللي غادية تكون نهار الاحد 20 مارس مع العشرة ونص ديال الصباح واللي غادية تنطالق من حدا الساحة المقابلة مع صيدلية الشفاء بدوار الجديد.
والا بغاو يمنعونا ويقمعونا ويتهناو منا باش يعيشو غير بوحدهم ، تا حنا ما عندنا ما نخسرو.
Partager